Қалыптан тыс дизайн, жарқын мінез
CRUST BAKERY — заманауи наубайхана бренді. Бұл жобада клиент әдеттегі bakery эстетикасынан алшақ, батыстық дизайнға жақын батыл әрі заманауи визуалды мінез қалыптастыруды қалады.
Біз дәстүрлі наубайхана айдентикасындағы қоңыр, беж реңктер мен классикалық белгілерден әдейі бас тарттық. Оның орнына қанық сары мен көк түстерді таңдап, брендке бірден танылатын жарқын сипат бердік.
Логотиптің негізін ерекше типографика құрайды. Әріптердің пішіні мен орналасуына жұмыс істеп, қарапайым жазуды брендтің басты белгісіне айналдырдық.
Бұл типографикалық мінез қаптамаға да жалғасты. Ашық сары пакеттер, көк графикалық элементтер және нан өнімдерінің иллюстрациялары бір жүйеде жұмыс істеп, CRUST-тың еркін әрі көңілді атмосферасын жеткізеді.
Біз үшін логотиптің тек экранда немесе жеке макетте жақсы көрінуі жеткіліксіз еді. Ол маңдайшада, қаптамада және күнделікті қолданылатын материалдарда да айқын сақталуы керек болды.
Нәтижесінде CRUST BAKERY үшін батыл типография, контраст түстер мен иллюстрацияларды біріктіретін визуалды жүйе қалыптасты. Жобаның басты күші — әр элементтің жеке де, бір композицияның ішінде де бренд мінезін сақтай алуында.
